😍   पहिल प्रेम नोकरी  😘

माझ्या विद्यार्थी मित्रांनो स्पर्धा परीक्षा म्हणजे एक  जुगाराचा खेळ आहे या खेळामध्ये कोणता पत्ता मिळेल हे आपल्या हाती नसतं पण मिळालेल्या पत्त्यावर चांगलं डाव तयार करणे हे आपल्या हाती नक्की आहे.

आजच्या काळामध्ये शासकीय नोकरी म्हटलं की समाजात वेगळाच मान सन्मान आहे .स्पर्धापरीक्षांमध्ये विद्यार्थ्यांना जीवनाशी खेळ खेळला जात आहे. मुबलक प्रमाणात शासकीय नोकर भरती काढली जात आहे तसेच काढली तरी, परीक्षा फी जास्त ठेवली जाते जी सर्वसामान्य विद्यार्थ्यांना भरणं कठीण जातं त्यामुळे विद्यार्थ्यांमध्ये निराशेची भावना कळत-नकळत निर्माण होत आहे.

नोकरी देता का कोणी नोकरी  हा प्रश्न मला सतत त्रास देत आहे .
विद्यार्थ्यांना आता छोकरी पेक्षा नोकरी वर जास्त प्रेम झालं कारण नोकरी म्हणजे- बायको मिळवण्यासाठी केलेली धडपड.
अशी नोकरीची व्याख्या आजच्या काळात रूढ झाली आहे .
आपल्या देशात भरपूर विद्यार्थी असे आहेत की ज्याची आर्थिक कुवत नसतानाही स्पर्धापरीक्षेची तयारी करतात. पण नोकर भरती निघत नसल्यामुळे ते निराशेच्या भावनांनी जीवन जगत आहे काहीच अभ्यास करता करता वय गेलं, पण नोकरी मात्र अद्यापही त्यांना मिळाली नाही स्पर्धापरीक्षेची तयारी करणार्या विद्यार्थ्यांचे मोर्चे निघत आहेत ही खूप गांभीर्याची बाब आहे.

काही काही वेळा पेपर फुटल्याची घटना कानावर पडते त्यामुळे खूप मानसिक त्रास विद्यार्थ्यांना सहन करावा लागतो तेव्हा काळजाचं पाणी पाणी होतं.
नोकरीचा प्रश्न विद्यार्थ्यांच्या जीवनाशी निगडित आहे कारण नोकरी मिळवण्यासाठी काय काय करावे लागते याची जाणीव फक्त विद्यार्थ्यांनाच आहे. नोकरी मिळवण्यासाठी विद्यार्थी जिवाचे रान करतो काही विद्यार्थी पार्ट टाइम जॉब करतात तर काही एक वेळच अन्न खाऊन जगतात पण  अभ्यास करण्याचं कार्य अखंडीत ठेवतात.
म्हणून माझ्या मनात एकच प्रश्न निर्माण होतो साहेब नोकरी देता का कोणी नोकरी कारण माझ्या आयुष्याचा प्रश्न आहे........ Blogg written by- Dinesh Rathod